GlastonBury 2008

Hierdie jaar het Jenni besluit sy wil Glastonbury to gaan toe se ek dit is reg laat ons gaan. Ons het so bietjie op gelees oor die fees en op baie mense se artikels af gekom wat se dit was maar rof om daar tussen 250 000 mense te kamp. Ons is nou nie bang vir 'n avotuur nie en wil altyd nuwe goed probeer so toe koop ons die tent en al die ander dinge. Wat mens veral nodig het vir so 'n fees in Engeland is wellies want dit gaan reen en jy gaan deur modder moet loop of swem.

Glastonbury is deur die boer Michael Eavis in 1970 op sy plaas vir die eerste keer gehou en is een van die grootste musiek feeste ter wereld. Daar is ook nie net musiek nie maar ook toneel spel en ander interessante dele. Die fees was baie beinvloed deur die Hippie kultuur van die 1960's en daar is tot vandag toe 'n Green Futures/Healing Fields deel. Ons het besluit om die oggend so 4 uur te ry want ons moes reg deur Londen ry.

Na 4 ure se ry was ons daar en het gedink daar gaan nog baie plek wees want ons was vroeg maar daar was amper niks nie net 'n klein gaatjie reg langs die pad. Die deel waar ons moes kamp was ook nog reg aan die ander kant van waar ons in gekom het en dit het ons so uur se loop gevat om daar uit te kom. Geen grappies nie regtig! Die ander gedagte is waar gaan 250 000 mense toilet toe?? Daar word groot staal toilette oral neer gesit en ook vir die manne darem staan pie plekke. Een ding moet ek se al was die toilet ondervinding baie snaaks was daar genoeg toilette vir almal en ons mos nie een keer wag vir een nie.

Dit was regtig een van die lekkerste en intressantste feeste waar ons nog was en raai enige iemand aan om dit te kom doen. Kyk na die foto's en die see van tente! Lekker

Klim in Portland Engeland Somer 2008

Ons het uiteindelik vir 'n behoorlike kamp en klim naweek weg gekom uit Londen hierdie somer. Die Vrydag aand so 7 uur gery om eers vir Willie, Christelle en Kobus te gaan optel in Wimbledon. Dit het ons bietjie lank gevat om by hulle uit te kom omdat die verkeer so erg is in Londen op Vrydae. Na 2 ure is ry het ons hulle eers gekry. Toe is ons uiteindelik oppad en na so 3 ure se ry en bietjie verdwaal het ons toe op die plaas aangekom. Tent op geslaan en gaan slaap. Die kamp plek is aan die suidwes kus van Engeland naby 'n dorp met die naam Weymouth op 'n boer se plaas, wat net vir 2 maande 'n jaar oop is vir mense om te kamp. Dit is seker die enigeste kamp plek in Engeland waar daar niks pommie reels is nie en jy mag vuur maak waar jy wil en so groot soos jy wil en ook tent op slaan waar jy wil.

Die boer is nogal baie natuurbewus en daar is oral herwinnings dele waar jy jou papier, glas en plastiek kan skei en ingooi. Daar is ook solar storte wat sommer in daai groot staal houers wat hulle op skeppe vervoer in gebou is.

Die oggend probeer om vroeg op te staan en die pad gevat na Portland so 30min se ry van daar af. Dit is 'n eiland wat Portland genoem word en hier is waar mens lymsteen rots rande kry wat jy kan klim. Die klim roetes is almal gebolt en ek moet se as die son skyn is dit een van die lekkerste en mooiste plekke waar ek nog gaan klim het. Selfs die eiland lyk asof dit nie in Engeland behoort nie met 'n mediterreense klimaat gevoel aan dit met groot wit klippe wat oral le tussen mooi groen bosse en die helder blou see. Ons het 'n hele paar roetes geklim en ek het ook probeer om alles te onsite wat ek nogal reg gekry het.

Die aand na die klim het ons op die klippies strand wat deel is van die boer se plaas gaan braai en sit en kuier. Die klippies is nogal lekker om op te sit ek het eers gedink dit sal nie maar toe is dit heel gemaklik. Dit het natuurlik altwee aande gereen en toe ongelukkig die tweede dag ook. Toe pak ons maar die wa ek ry stadig terug Londen toe.

Dit was 'n baie lekker naweek maar in Engeland werk dit nou maar so dat daar altyd die moontlikheid is dat dit dalk een dag kan reen. As dit nie elke dag reen nie...Maar reen is jy defnitief gewaarborg.

Stap Tog Teen Misdaad in Suid-Afrika

Dit was die naweek van die 11 Augustus 2007 en ons het 'n stap tog gedoen teen misdaad. Die mense wat dit gereel het, het regtig begin moeg raak vir al die misdaad in Suid-Afrika en omdat een van hulle goeie vriende in 'n rooftog dood geskiet is waar die rowers nie eers iets gesteel het nie.

Ons het besluit om saam te loop want ons hoor elke dag van al die mense in Suid-Afrika wat dood gemaak word vir niks en dat die rowers weg kom met enige iets wat hulle wil doen en steel. Mense word vermoor vir aardse goed soos karre en cellfone en dom goed wat nie 'n mens se lewe werd is nie. Die regering probeer om iets te doen maar ek dink nie almal in die regering voel dieselfde oor die saak nie. Party dink ag wat ek het baie geld om myself te beskerm so hoekom moet ek omgee oor die normale persoon op straat. Misdaad tref ook nie net party mense nie die tref almal pienk, bruin, swart, wit almal onder die son van ons land.

Die polisie probeer hul beste maar die salaris wat hulle kry maak dit nie die moeite werd om hulle lewens op die spel te plaas nie. Ons moet regtig begin mooi kyk hoe ons misdaad gaan bekamp want die kan so 'n mooi land soos ons sin heeltemal op neek en almal sal saam my stem dat ons sêker een van die mooiste land tewêreld het. Die ewel van misdaad kan alles vir almal befok!

Dan is daar ook die mense wat kla en kla maar nie saam staan en begin stap togte reel of eers sal deelneem aan iets wat misdaad beveg nie ons almal het goed wat ons wil doen oor naweke maar ek het regtig eers die naweek besef as jy net een keer een dag uit jou lewe kan spaar om deel teneem aan 'n stap tog dit maak 'n groot verskil. Daar was sêker soos 1000 mense wat saam geloop het en dit is vir 'n goeie doel. Daar is so veel kinders en ou mense en onskuldige mense wat benadeel word deur misdaad mens moet iets begin doen. Jy moet nie wag tot iemand anders iets doen of iets met jou gebeur voor jy iets doen nie. Almal wil 'n vrede en veiligheid bly en nie stress dat iemand jou gaan aanval nie.

Ek en Jenni gaan nog aan baie sulke goed deelneem al moet ons, ons naweke op offer en al moet ons kaal uittrek om te wys dit is hoe die mense in Suid-Afrika voel teen die misdadigers. Jy sal nie glo hoe lekker dit is om saam te staan vir 'n goeie doel nie al ken jy nie eers die mense nie jy weet almal is daar vir een doel om 'n boodskap oor tedra.

http://www.news24.com/Beeld/Suid-Afrika/0,,3-975_2163512,00.html

World Naked Bike Ride

Die naweek van die 9de Junie 2007 wat verby was het ons deel geneem aan die World Naked Bike Ride http://www.worldnakedbikeride.org/uk/ in Londen.

Ons het besluit om dit te doen omdat ons ook al moeg raak vir al die mense en goevermente wat net wil nie luister en ophou om ons planeet op te donder nie. Een van die dae gaan ons almal nie meer normal kan rond loop en lekker vars lug in asem nie want al die lug gaan besoedel wees. Ongesonde lug kan menslike produktiwiteit en die produksiepotensiaal van diers en plante verminder.

Die hoof oorsaak van lug besoedeling is motors en energie verskafers wat fossielbrandstowwe gebruik om energie op te wek. As mense meer hernubare enegriebronnne kan ontwikkel en dalk hul motors minder gebruik en meer fiets ry of loop sal die lug gehaalte beter wees vir almal en ons sal gesond kan lewe vir nog baie jare op die aarde.

So begin bietjie fiets ry en weer loop al dink jy nie jy aleen gaan 'n verskil maar nie dink ek jy sal want as elke persoon net sien die ander persoon ry fiets sal hy begin dink om dit ook te doen. Of reel ook 'n fiets ry petisie erens, dit hoef nou nie 'n naakte een te wees nie maar net een wat mense bietjie laat dink om ander maniere te gebruik om te reis!